Dieter Kellermann, (1941–2017), in Bensheim geboren und aufgewachsen, verbrachte sein ganzes Leben in der Stadt. Er ist ein waschechter „Bensemä Känbäijer“, der schon früh begann alte Arbeits- und Haushaltsgeräte, und vieles, das achtlos zum Müll geworfen wurde, zu sammeln. Darüber hinaus interessiert er sich für die Geschichte seiner Stadt. So erwarb er sich Kenntnisse und Wissen, das er in privaten Stadtführungen weiter geben konnte. Mehr als 25 Jahren schreibt er als „Bensemä Koaschdlä“ Mundartglossen im „Bensheimer Blättche“.
In seinen „Gesoammelde Wäijge“ (die im Forstberg-Verlag erschienen sind) gewährt Dieter Kellermann Einblicke in sein Leben. Geschichte(n), Bilder, Anekdoten, Gedichte und Lieder, in Mundart und auch in Hochdeutsch, zeigen Bensheim im Wandel der Zeit.
„Imm Summä, moin Bu, do braucht mä koa Schuh“
Imm Summä un Häbscht woar oam Naigroawe die schenschd Zeit. Oab Mai hod mä moij Muddä die Schuh oabgenumme, die sinn doann inn de Schroank noij kumme.
Erschd oab Ogdowä hammä doann wärrä Schuh ougezoche. Unns hoawwe koa Plattfieß gebloachd unn mä hadde aach koa krumme Zäije, wie heid die junge Laid.
Mä sinn de Naiggroawe boarfuß ruff unn aach runner gerennd. Unns hod sou schnell koanä, oach woann er Schuh ougehabt hod, oabgehengd. Boachhupse, riwwer, niwwer, aach mol midde noij, als die Weschnitz entloang, bis oan de Rhoij.
Stichling hoawwe mä aach imm Boach gefoange unn inn die Hoand genumme, ja die sinn domoals noch imm Naigroawe geschwumme. Zum Esse hoawwe se net gedauchd, unn mä konnde se aach ned koche, oan dene woar blouß Haut unn Knoche. Die veele Obschtbeem entloang de Boach woarn unser aller Gligg, die hoawwe mä gekennd, Stick fer Stick.
Doch wer imm Häbschd enn Boam gestaigt hod, woar oarm drou. Bei de Verschdaigerung woarn die Beem nemlisch halwer leer. Endwärrä hod de Wind die Ebbel runner gewoaffe orrä mä. Noch jedem Gewidder sinn mä raus mit Sagg und Pagg zum Ebbelläse. Die hod moij Muddä oigemoachd unn woas net inn die Gläser gegoange iss, iss oan de Sunn gedäddt woan.
Ehr kennd mäs glaawe, daß mä unns ned fett konnte nenne, es woarn e poar debei, die hedde enn Gaasbogg zwische de Hernä kisse kenne. Awwä die sinn heid all noch gesund, zwar ner mäij goanz jung, renne awwer trotzdem noch uff de Stroß erum.
Ach, isch kennt noch mäijner uffschreiwe, doch ich wills ned iwwädreiwe.
Awwer oan Spruch schreib isch noch hie:
,,De Melibokus kocht Hutzel un mer krien die Brieh“.
Däs woar sou e uroaldi Bensemä Weddä-Regel. Woann nemlisch die Spitz vum Bäig in de Wolge väschwunne woa un es hot ausgesäije, wie woann die frieher in de Weschkisch die Wesch gewesche hätte, un alles voller Näwwel woar, do hoawwe die oalde Bensemer gewißt, daß es Räije gibt.
PS: Die Lauter, die aus dem Dälche kimmt, herd in Bensem am Rinnedor uff zu exisdiern unn fließt links oam Stauwehr als ,,Naigroawe“, unn rechts groadaus als ,,Winkelboach" weirer. Alle zwaa Bäche sinn verdoold.
Die Fraa vunn Bensem
Mir schraiwe das Johr 1644.
Bensem woar belagäd unn oijgenumme vunn de Schwede unn Froanzouse. Vier Johr vor dem Wäsdfälischä Friede imm draissischjährische Griesch. Väzäijh Doach spädä wollde die Bayern aach inn unsere Schdadt noij, um unns ach belachern unn ausrauwwe. Bensem woar doisch die Schdadtmauern unn Schdadtdorn gud oabgesichäd, dass die Bayern ned inn die Schdadt noij gekennd hoawwe. Baij de Oijnoame unn Belacherung doich die Schwede unn Froanzouse sinn väzäijh Doach devoa Familienmidgliedä vunn de Fraa vunn Bensem ummgekumme. Das se die Familienmitgliedä vunn dä Fraa umgebroachd hoawwe, hadd die Fraa enn Hass uff die Froanzouse unn Schwede gehadd, das se de Bayern, die aach ned gud oagesäije woarn baij de Bevelgerung vunn Bensem, ougebore hodd, aus Rache se doisch enn geheime Goang hinnerum inn die Schdadt noizufihrn. Woas se aach gemoachd hodd. Das die Bayern die Schwede unn Froanzouse vernichdend geschloache woarn sinn.
Die Schdadtmihl hodd innähalb de Schdadtmauern geläije, daß mä aach inn Belacherungszaide Mähl moahle gekennd umm Brod zu bagge.
Wu oa Mihl iss, iss aach Wassä, umm das Mihlroad oazudraiwwe. Wu oa Mihlroad iss, iss Wassä, unn däss muss doich die Schdadtmauer fliessen. Unn doisch sou oa Loch sinn die Bayern inn die Schdadt noigelangd.
Ess gibbd oa oanderi Version, dass die Bayern mid Hilfe eines Pulverfasses eine Pforde (Tür) gesprengd hoawwe. Sie hoawwe oan Schoiougriff vumm Griesel gesdarded unn hoawwe glaschzaidisch die Pforde oam Rinnedoar gesprengd unn sinn sou inn unnsä Schdadt noijkumme. Awwä dess mid de Soach mid de Fraa vunn Bensem, iss oa schäijni Gechischd. Mer losses do dabaij.
Kommentar hinzufügen
Kommentare